Nadir Adilovun və Elvin Paşayevin birgə qələmə aldığı “Könüllülük: uğur formulu” adlı şəxsi inkişaf kitabı çapdan çıxıb.
Publika.az xəbər verir ki, kitab karyerada uğur qazanmaq istəyən, cəmiyyətdə könüllü olaraq ilk addımlarını atan gənclərə, valideynlərə, təşkilati fəaliyyətlərinə könüllü cəlb etmək istəyən mütəxəssislərə ünvanlanıb. Nəşr sosial statusundan asılı olmayaraq, könüllü olmaq istəyən və indiyədək bu şansı tapmayan gənclərimizin gələcək fəaliyyətində xüsusi önəm daşıyır. Bu, oxucuların davamlı təklifləri əsasında müasir ictimai tələblərə uyğun olaraq hər il yenilənən və ölkəmizdə könüllülər hərəkatının inkişafını qarşıya məqsəd qoyan şəxsi inkişaf kitabıdır.
Qeyd edək ki, kitab 14 yaşadək kimsəsiz və aztəminatlı ailələrin uşaqlarının arzularını reallaşdıran www.asanmektub.azlayihəsinə dəstək məqsədilə yazılıb.
Kitabı kitab mağazalarından, xüsusən də Nizami küçəsində (Tarqovu) yerləşən Akademkitab satış məntəqəsi, kitabevim.az, Əli və Ninokitab evi, Pero kitab mağazalarından, hediyye al online satış mağazasından (www.hediyye.al) əldə edə bilərsiz.
#konulluluk#ugurformulu #asanmektub#asankonullululeri #akademkitab #pero #alinino #kitabevimaz #hediyyeal #sevindir
