Milli.Az deyerler.org-a istinadənİmam Əlinin (ə) bəzi mübarək kəlamlarını təqdim edir:
1. Fikir - saf və işıqlı bir aynadır. Bu aynadan ibrət götürmək isə nəsihətedicidir.
2. Şükür etmək dövlətliyə zinətdir.
3. Ruzi iki cürdür: birini sən axtarırsan, ikincisi isə səni axtarır.
4. Tamahkar əbədi quldur.
5. Arzulara çatmağa tələsən əcəli ilə üzləşər.
6. Müsəlman qardaşının üzrünü qəbul et. Əgər onun üzrü olmasa, sən onun üçün üzr düzəlt.
7. Ən böyük dövlət - ağıldır, ən böyük yoxsulluq isə nadanlıq.
8. Əql kamilləşsə, danışıq azalar.
9. Az danışanın xətası da az olar.
10. Hər kimin əqli azdırsa, oyunu və zarafatı çox olar.
11. Özünü bəyənmək ağlın azlığına dəlalət edir.
12. Mömin möminin güzgüsüdür.
13. Dua etmək rəhmətin açarıdır.
14. Həqq çətin və ağırdır, batil yüngül və asan.
15. Hər kişinin malına iki şərik var: vərəsələr və hadisələr.
16. Övladın ata boynunda, atanın da övlad boynunda bir neçə haqqı var. Övladın borcu odur ki, ataya hər şeydə itaət edə. (Allahın əmrindən başqa).
Atanın övlad boynunda haqqı odur ki, ona yaxşı ad verə, ona gözəl əxlaq, Quran və elm öyrədə.
Milli.Az
Digər maraqlı xəbərlər Milli.Az-ın Facebook səhifəsində
