ABŞ hökuməti İdlibdəki qətliamı qınayıb.
Metbuat.az-ın məlumatına görə, Ağ Evin mətbuat katibi Şon Spayser Suriyanın İdlib şəhərində kimyəvi silahlardan istifadə olunmasına münasibət bildirib:
"Bunu qəbul etmək olmaz. Bu mənfur qətliamı görməzdən gələ bilmərik".
Suriyada hazırda baş verənləri Obama hökuməti ilə əlaqələndirən Şon Spayser əlavə edib:
"Suriyada hakimiyyətin dəyişdirilməsi artıq variantlardan biri deyil. Bunun üçün əvvəllər mövcud olan imkanlar yoxdur. Suriyadakı reallığı inkar etmək axmaqlıq olardı".