"Chelsea"nin belçikalı yarımmüdafiəçisi Eden Hazar "France Football" nəşrinə müsahibə verib. Milli.Az goal.az-a istinadən xəbər verir ki, ulduz futbolçu maraqlı açıqlamaları ilə yadda qalıb.
"Messinin topua sahib çıxandan sonra etdikləri heç nəyə bənzəmir. Özümü onunla eyni səviyyədə görmürəm. Məni Messinin yanına qoyanlar var. Bu, onların fikridir. Amma onun kimi futbolçu olduğumu deyə bilmərəm. Mən yaradıcı futbola üstünlük verirəm. Uşaqlıqda ən sevimli əşyam top idi. İndi də belədir. Bu səviyyəyə yetişmək üçün çox zəhmət çəkmişəm. Məni Messi, Ronaldinyo və Zidanla müqayisə etməyin. Onlara çata bilməmişəm".
Milli.Az