Millət vəkili Qənirə Paşayeva Gəncədə baş verən biabırçı
hadisəyə münasibət bildirib.
Deputat Feysbuk profilində baş verən hadisəni və hadisə
iştirakçılarını qınayıb. O, əmi ilə qardaşı qızınının nikahını
kəsən din xadiminin cəzalanmasını istəyib:
"Gəncədə bir "insan"ın öz qardaşı qızını qaçırması, birlikdə
yaşaması və dini nigaha daxil olması ilə bağlı yayılmış xəbərləri
bir az öncə dəhşət içərisində oxudum. Və hələ də ola bilməz. yəqin
yanlış məlumat yayılıb deyərək, belə bir şeyin baş vermədiyinə
inanmaq istəyirəm. Çünki bu, çox dəhşətli bir şeydir və onların hər
iksinin psixoloji vəziyyətlərinin normal olmadığını düşünürəm.
Normal adam belə bir şeyi nəinki etməz, etməyi belə düşünməz.
Yayılan məlumatlarda məni dəhşətə gətirən bir məsələ də qardaşı
qızı ilə əminin dini nikaha girməsi oldu. Bu məsələ ciddi
araşdırılmalıdır və əgər məlumatlar doğrudursa, buna yol verən din
xadimi dəhşətli bir addım atdığının məsuliyyətini daşımalıdır.
Cəmiyyətdə əxlaqi və psixolji deqradasiyaya uğrayan insanların
artması ciddi narahatlıq doğurmalıdır. Nə etməli? İndi bu vacib
sual ətrafında psixoloqlar, mütəxəssislər fikirlərini bölüşməlidir.
Bu cür dəhşətli hadisələrin artmaması üçün.Və cəmiyyət olaraq
birlikdə çalışmalıyıq", - deyə Qənirə Paşayeva yazıb.
Gəncədə BİABIRÇILIQ: Ailəli kişi qardaşı qızını qaçırdı - VİDEO
Əmisinə qoşulub qaçan qız evli olub, 2 uşaq anasıdır.
