Tanınmış aktyor, Hollivud ulduzu Morqan Friman dünən Londonda "42nd Street The Musical" müziklinin premyerasına qatılmışdı.
Milli.Az The Sun-a istinadən bildirir ki, 79 yaşlı aktyorun sol əli xüsusi tibbi əlcəkdə idi. Aktyorun sol qolu iflic olduğundan o, əlinin damarlarındakı qanın tıxanmaması üçün bu kompression əlcəkdən yararlanıb.
9 il əvvəl, 2008-ci ildə Morqan Frimanın idarə etdiyi avtomobil ABŞ-ın Missisipi ştatındakı yollardan birində qəzaya düşmüş, aşaraq 3 dəfə çevrilmişdi.
Həmin qəzadan sonra aktyorun sol əli iflic qalıb.
Morqan Frimanın dediyinə görə, sınmış çiyinin xroniki ağrılarından və fibromialgiyadan da əziyyət çəkir.
Milli.Az
Digər maraqlı xəbərlər Milli.Az-ın Facebook səhifəsində