BMT Təhlükəsizlik Şurasının üzvləri Suriyanın İdlib əyalətində kimyəvi silahdan istifadə edilməsi ilə bağlı danışıqlara başlayıblar.
Metbuat.az-ın məlumatına görə, danışıqlar zamanı maraqlı anlar yaşanıb.
İclası ABŞ-ın BMT-dəki səfiri Nikki Heyli idarə edib. O, İdlibdə baş verənlərə görə Rusiya və Bəşər Əsəd rejimini günahlandırıb. Heyli nitqini bitirdikdən sonra Rusiyanın BMT-dəki səfiri Vladimir Safronkov qaçaraq zalı tərk edib. Onun bu hərəkəti sosial mediada müzakirələrə səbəb olub.
Qeyd edək ki, Safronkov bir müddət sonra yenidən yerinə qayıdıb.
