Beynəlxalq Futbol Tarixi və Statistikaları Federasiyası (İFFHS) 2016-cı ilin reytinq cədvəlini açıqlayıb. Fanat.Az xəbər verir ki, dünya klublarının reytinq cədvəlində 405 komanda yer alıb.
Azərbaycan siyahada 2 klubla təmsil olunub. Ötən 142 xalla 77-ci yerdə qərarlaşan "Qarabağ" 22 pillə irəliləyib. Qurban Qurbanovun başçılıq etdiyi komanda indi 155 xalla 55-ci pilləni tutur. "Qarabağ" siyahıda “Arsenal”, “Lester” (hər ikisi İngiltərə), “Portu” (Portuqaliya), “Zenit” (Rusiya), “Lion” (Fransa) kimi böyük klubları qabaşlayır.
"Qəbələ" 27 pillə irəliləyib. Ötən il 116 xalla 124-cü olan "qırmızı-qaralar" hazırda 125 xalla 97-ci yerdə qərarlaşıb. Roman Qriqorçukun başçılıq etdiyi kollektiv bu pilləni "Hayduk" (Xorvatiya), “Şkendiya” (Albaniya), “Rusenborq” (Norveç) və “Əl-Əhli” (İordaniya) ilə bölüşür. "Qəbələ" “Çelsi” (İngiltərə), “Beşiktaş” (Türkiyə) və “Marsel” (Fransa) kimi məşhurları geridə qoyub.
Siyahıya Kolumbiyanın “Atletiko Nasyonal” klubu başçılıq edir - 383. İspaniya nəhənglərindən “Real” 310 xalla 2-ci, “Barselona” 280 xalla 3-cü yerdədi.
Fanat.Az
