Yeva Lonqoriya valehedici obrazı ilə diqqət mərkəzində olub.
Publika.az xarici mətbuata istinadən xəbər verir ki, dünən Madriddə “The Global Gift Gala” illik xeyriyyə tədbiri keçirilib. Tədbirə 42 yaşlı aktrisa Yeva Lonqoriya da qatılıb.
Dünya şöhrətli aktrisa xeyriyyəçilik aksiyalarının fəallarından biridir. O, hər il ağır həyat şəraiti olan qadınlara, uşaqlara və ailələrə yardım məqsədilə təşkil olumuş “The Global Gift Gala” xeyriyyə tədbirində iştirak edir. Bundan başqa, aktrisa artıq neçə ildir qeyri-kommersiya xeyriyyə təşkilatının səfiri funksiyasını yerinə yetirir.
Bununla belə gecədə aktrisanın obrazı da xüsusi diqqət çəkib. O, tədbir üçün “Genny” İtaliya moda evindən səma rəngində ziyafət libası seçib. Yeva öz ziyafət libasını “Chopard” zərgərlik brendindən olan iri sırğalarla və “Farbod Barsum” kltaçı ilə tamamlayıb.
Aytən
