Ermənistanda parlament seçkilərindən sonra İrəvan mer
postu uğrunda siyasi intriqalar qızışıb.
Publika.az xəbər verir ki, “Qraparak” qəzeti baş nazir
Karen Karapetyanın öz adamının mer postunda gətirmək istədiyini
yazır: “Parlament seçkilərində iştirak edən siyasi güclər İrəvan
Ağsaqqallar Şurasındakı seçkidə də mübarizəyə hazırlaşır. Aprelin
12-də siyasi güclər şuraya öz namizədlərini təqdim etməlidir. Karen
Karapetyan öz namizədinin mer olmasını istəyir. O, xüsusilə
milyarder qardaşı Samvel karapetyanın irəvandakı biznesini inkişaf
etdirmək üçün şəhərə nəzarəti ələ almaq niyyətindədir. Belə razılıq
var ki, seçkidən sonra Sarkisyan təhlükəsizlik məsələləri ilə
məşğul olacaq, Karapetyan isə iqtisadiyyatla. İrəvan da ölkə
iqtisadiyyatının əsasını təşkil edir. Lakin o da mümkündür ki,
Karapetyan baş nazir olacaq və İrəvan meriyasını “Sarukyan” blokuna
güzəştə gedəcək. Mənbələr danışır ki, İrəvan merliyinə Qaqik
sarukyanın kürəkəni, keçmiş baş nazir Ovik Abramyanın oğlu Arqam
Abramyan namizəddir. Samvel Karapetyanla Ovik Abramyanın gözlənilən
görüşündə bu məsələ müzakirə olunacaq”.
“Jamanak” qəzeti yazır ki, “Yelk” (Çıxış) bloku da İrəvanın mer
postuna öz namizədini irəli sürməyi planlaşdırır.
“Yelk”in namizədi blokdan deputat seçilən Nikola Paşinyan ola
bilər”, - deyə qəzet bildirib.
“Aykakan jamanak” qəzeti isə hakim Respublika Partiyasının hazırki
mer Taron Marukyanın namizədliyini yenidən irəli sürəcəyini yazır.
Namizədlərin irəli sürülməsi üçün sonuncu tarix aprelin
9-dadır.
Asif