Azərbaycanda həkim səhvi ucbatından daha bir ana ölümü baş verib.
18 yaşlı Həqiqət Mirzəyeva Naxçıvanda doğum evində əkiz uşaq
dünyaya gətirib. Həkimlərin normadan artıq narkoz verməsi ilə gənc
qız komaya düşüb.
Həqiqətin əmisi qızı Gülü Mirzəyevanın sözlərinə görə, 24 gün
komadan qalan Həqiqət bu gün dünyasını dəyişib: "Baş həkim dedi ki,
bütün məsuliyyəti öz üzərimə götürürəm. Ancaq əmim qızını xilas edə
bilmədilər. Əslində 24 gün ölübmüş, biz onun dünyasını dəyişdiyini
bu gün öyrəndik. Həqiqətin dünyaya gətirdiyi əkizlərin vəziyyəti
isə yaxşı deyil. Körpələr zəif olduqları üçün onları həyatda
saxlamaq üçün yaxşıca baxmaq lazımdır".
Qeyd edək ki, Həqiqət Mirzəyeva bu gün Naxçıvan Muxtar
Respublikasının Kəngərli rayonunun Şahtaxtı kəndində dəfn
olunub.
(baku.ws)