Elməddin Cəfərov vaxtı ilə “Tək səbir” verilişində geyindiyi kostyuma görə xəcalət hissi keçirdiyini etiraf edib, Vanqa nənəyə isə özünə gün ağlamağı məsləhət görüb.
Publika.az-ın “Üç nöqtə” layihəsinin suallarını bu həftə məşhur aktyor cavablandırıb.
- İndiki ağlım olsaydı...
- Ağlıma bir çox fikir gəlir, amma yalandan deyəməyəcəm ki, daha böyük işlər görə bilərdim. İndiki ağlım olsaydı, burada deyildim, bəlkə də daha aşağıda idim..
- Zəmanət verə bilərəm ki...
- Yalandan proqnoz verə bilmərəm. Ümid edirəm ki, hər kəsin işi uğurlu olar.
- Dünyanı dəyişə bilsəydim...
- Müharibələr törədən bütün insanları ayırardım, sülh və sevgi dolu bir cahan yaradardım.
- Kişilərə o qadınlara xəyanət etmir ki...
- Xəyanətin nə olduğunu bilmirəm, ailə mənim üçün müqqəddəsdir. Həyat yoldaşıma heç vaxt xəyanət etməmişəm.
- Seviləsi qadın olmağın ilkin şərti...
- Diqqətcil, qayğıkeş və baxımlı olmalıdır.
- Qadına qarşı şiddət...
- Dözülməzdir.
- Vicdanım haqqı...
- Vicdanım haqqı qadına qarşı şiddətə pis baxıram.
- Mən təəssüf edirəm ki...
- Heç nəyə təssüf etmirəm, mənim üçün peşmançılıqdan əhəmiyyətsiz duyğu yoxdur.
- Yaxşı gündə, pis gündə...
- Ailəmin yanındayam.
- Vanqa nənə ilə görüşsəydim...
- Vanqa nənəyə deyərdim ki, camaatın falına az baxsın, gedib özünə gün ağlasın.
- Ən böyük səhvim...
- Çox olub.
- Bəşəriyyətin gələcəyini düşünəndə...
- Hesab edirəm ki, gələcəkdə başqa planet və sivilizasiyalarla əlaqəmiz olacaq.
- Günahlarım yadıma düşəndə...
- Çox utanıram, günahlarımın bağışlanması üçün çox tövbə edirəm.
- Ona görə, xəcalət çəkirəm ki...
- “Tək səbir” verilişində əyminə böyük olan kostyumu geyindiyimə görə xəcalət çəkirəm. İndi onu palto kimi geyinirəm, heç kim tuta bilmir.
- Unuda bilmədiyim şəxs demək istəyirəm.
- Səni unutmuşam.
- Oğullarıma məsləhət görürəm ki...
- Dərslərini çox yaxşı oxumalarını, savadlı, intellektual, geniş dünyagörüşü olan şəxsiyyət kimi formalaşmalarını istəyirəm.
Aytən
