Ağdaş rayon sakini bədbəxt hadisə nəticəsində ağır xəsarət alıb.
Publika.az-ın apa-ya istinadən verdiyi xəbərə görə, hadisə rayonun Nehrəxəlil kəndində baş verib.
Kənd sakini, 1987-ci il təvəllüdlü Anar Yusifov yaşadığı evin
həyətində təsərrüfat işləri görərkən işlətdiyi “laqonda” aparatı
ilə metal kəsərkən ehtiyatsızlığa yol verib və onun üzərindəki
kəsici alət qəflətən qırılaraq iki hissəyə bölünüb.
Nəticədə qırılan alətin bir hissəsi onun boyun və boğaz nahiyəsini
kəsib. A.Yusifov təcili olaraq Ağdaş rayon Mərkəzi Xəstəxanasının
reanimasiya şöbəsinə yerləşdirilib. Cərrahiyyə əməliyyatı olunan
A.Yusifovun həyatını xilas etmək mümkün olub. Çənəaltı vəzin və
boyunun ön səthinin kəsilmiş-cırılmış yarası diaqnozu qoyulan
xəstənin vəziyyəti hazırda orta ağır olaraq qalır.
Faktla bağlı Ağdaş rayon Polis Şöbəsi tərəfindən araşdırma aparılır.