Argentina millisinin sabiq futbolçusu Qabriel Batistuta komandanın indiki futbolçularının onunla salamlaşmadığından narazı qalıb. Milli.Az goal.az-a istinadən xəbər verir ki, yaxın keçmişin futbol ulduzu bunları deyib:
"Millinin paltardəyişmə otağında futbolçuların yarıdan çoxu mənimlə salamlaşmadı. Bunu hazırki nəslə aid bir şey kimi görürəm. Onlara qarşı qərəzim yoxdur. İstərdim ki, bu futbolçular mənimlə görüşsünlər. Özüm də bu atmosferi yaşamışam. İstənilən halda, bunu qəsdən etmədiklərini düşünürəm. Son vaxtlara qədər komandaya tanınmış idarəçilər rəhbərlik edirdi. Hazırda onlar yoxdur".
Milli.Az