ABŞ-ın Suriyada hərbi obyektlərə hücumu suveren dövlətə qarşı təcavüzdür.
Publika.az “İnterfaks” agentliyinə istinadən xəbər verir ki, Kremlin sözçüsü Dmitri Peskovun sözlərinə görə, bu sözləri ABŞ-ın Suriyaya raket zərbələrini şərh edən Rusiya prezidenti Dmitri Peskov deyib.
“Prezident Putin Amerikanın Suriyaya, həm də uydurulmuş bəhanələrlə zərbələrini suveren dövlətə təcavüz və beynəlxalq hüquq normalarının pozulması hesab edir”, - Peskov bildirib.
O xatırladıb ki, Suriya ordusu kimyəvi silah ehtiyatlarına malik deyil və Suriya silahlı qüvvələrinin arsenalında olan kimyəvi silahın bütün ehtiyatlarının məhv edilməsi faktı BMT-nin ixtisaslaşdırılmış qurumu tərəfindən təsdiq edilib.
Putin həmçinin qeyd edib ki, ABŞ-ın Suriyada təyyarə bazasına zərbələri iki ölkənin münasibətlərinə zərər vurur.
“Putin həmçinin Suriyaya aviazərbələri dünya cəmiyyətinin diqqətini İraqda dinc əhalinin çoxsaylı qurbanlarından yayındırmaq cəhdi kimi görür”, - o əlavə edib.
Qeyd edək ki, ABŞ Suriya ərazisində yerləşən aerodroma raket zərbələri endirib. Zərbələrin ABŞ-ın iddiasına görə, Suriya ordusunun İdlibdə kimyəvi silahdan istifadə etməsinə cavab olaraq endirildiyi bildirilir.
Aralıq dənizində olan ABŞ-ın iki hərbi gəmisindən azı 50 "Tomaqavk" raketi atılıb. Yeganə hədəf Homs bölgəsindəki Şayrat aerodromu olub.
İnsan Haqlarının Monitorinqi Mərkəzi (SOHR) isə raket zərbələri nəticəsində, azı 4 Suriya hərbçisinin öldüyünü və aviabazanın demək olar ki, tam dağıdıldığını bildirib.
Ömər Dağlı
