Argentina millisinin baş məşqçisi Edqardo Bausa vəzifəsindən uzaqlaşdırılıb.
Milli.Az apasport.az-a istinadən xəbər verir ki, Argentina Futbol Assosiasiyası (AFA) 59 yaşlı mütəxəssislə yollarını ayırıb.
Buna səbəb komandanın DÇ-2018-in seçmə mərhələsində uğursuz çıxışıdır. Xüsusən də, XIV turda Boliviyaya (0:2) məğlubiyyət assosiasiyanı belə bir qərara vadar edib. AFA gələn həftə bu məlumatı rəsmən açıqlamağı planlaşdırır.
Qeyd edək ki, Argentina yığması 14 turdan sonra 22 xalla 5-ci pillədə qərarlaşır.
Milli.Az
Digər maraqlı xəbərlər Milli.Az-ın Facebook səhifəsində