Suriyanın aprelin 4-də kimyəvi silah hücumuna məruz qalmış İdlib vilayətinin Xan-Şeyhun şəhəri bu gün raket zərbələrinə tuş gəlib.
Milli.Az virtrualaz.org -a istinadən bildirir ki, bu xəbəri Londonda yerləşən Suriya İnsan Hüquqları Monitorinq Mərkəzindən veriblər.
Hələlik şəhərə kim tərəfindən zərbə endirildiyi məlum deyil.
Aprelin 4-də Xan-Şeyhun şəhərinə kimyəvi silahla hücum edilmiş, nəticədə, azı 58 nəfər, o cümlədən 11 uşaq həlak olmuşdu. ABŞ hökuməti bu hücumda Bəşər Əsəd rejimini günahlandırıb. Lakin Rusiya hökumət dairələrinin məlumatına görə, Suriya ordusunda kimyəvi silah yoxdur və faciə Xan-Şeyhun şəhərində terrorçuların kimyəvi silah saxladıqları hərbi bazaya hücum nəticəsində baş verib.
Milli.Az
Digər maraqlı xəbərlər Milli.Az-ın Facebook səhifəsində