İspaniya çempionatında qarşılaşacaqları "Real"la oyun öncəsi "Atletiko"nun futbolçusu Koke xoşagəlməz olayla üzləşib.
Fanat.Az xəbər verir ki, cümə axşamı Madridin populyar bölgələrindən olan Çamberidə maşını götürmək üçün avtoparka girən Koke silahlı soyğuna məruz qalıb. Belə ki, motosikllı bir soyğunçu onun başına silah dayayaraq saatını istəyib. 70 min avroluq saatı ələ keçirən oğru motosikleti ilə oradan sürətlə uzaqlaşıb.
Futbolçunun şikayətindən sonra polislər kamera vasitəsilə oğrunun kimliyini müəyyənləşdirməyə çalışır.
Fanat.Az
