Cəlilabadda avtomobil atı vurub, 2 nəfər xəsarət alıb
Cəlilabadda 2 nəfərin xəsarət alması ilə nəticələnən yol qəzası baş verib.
APA-nın cənub bürosunun verdiyi məlumata görə, hadisə Ələt-Astara magistral yolunda, Cəlilabad Diaqnostik Mərkəzinin yaxınlığında qeydə alınıb.
Belə ki, rayonun Maşlıq kənd sakini, 1988-ci il təvəllüdlü Əsədulla Məhəmməd oğlu Alışanov idarə etdiyi 90-BK-347 dövlət nömrə nişanlı “VAZ-2106” markalı avtomobillə hərəkətdə olarkən yolun kənarındakı atı vurub. Nəticədə at ölüb.
Qəza zamanı atın sahibi, 2000-ci il təvəllüdlü Murad İlqar oğlu Kərimov və avtomobilin sürücüsü müxtəlif dərəcəli bədən xəsarətləri alıb. Yaralılar Cəlilabad Rayon Mərkəzi Xəstəxanasına çatdırılıb. Faktla bağlı araşdırma aparılır.
