“Atletiko”nun yarımmüdafiəçisi Koke silahlı hücuma məruz qalıb.
Komanda.az xəbər verir ki, bu barədə məlumatı İspaniya mətbuatı yayıb. Xəbərdə 25 yaşlı futbolçunun Madriddə avtomobilini park etmək üçün bilet alarkən naməlum şəxsin hücumuna məruz qaldığı qeyd edilib. İspan futbolçu polisə ifadəsində masqalı bir nəfərin motosiklla ona yaxınlaşaraq, başına silah dayayıb qolundakı saatı verməsini tələb etdiyini deyib.
Oğru 70 min avro dəyərindəki saatı götürdükdən sonra hadisə yerindən uzaqlaşıb. Hadisə nəticəsində futbolçu heç bir yara almayıb.
Koke cari mövsümdə 43 oyunda şans qazanıb. O, bu oyunlarda 5 qol vurub, 7 məhsuldar ötürmə edib.
