Bu gün Azərbaycan Premyer Liqasında XXV tura start veriləcək.
Milli.Az apasport.az-a istinadən xəbər verir ki, turun ilk oyun günündə 2 qarşılaşma baş tutacaq.
Hər iki matç prinsipiallığı ilə fərqlənir. Belə ki, Gəncədə azarkeşlər tarixi rəqabətin daha bir mübarizəsinə şahidlik edəcəklərsə, Bakıda çempionluq savaşı verən iki komanda üz-üzə gələcək.
Əvvəlcə Azərbaycanın ən titullu klublarından ikisi "Kəpəz" və "Neftçi" münasibətlərinə aydınlıq gətirəcəklər. Hazırda heç də yaxşı günlərini yaşamayan hər iki komanda turnir cədvəlinin son pillələrində var-gəl edirlər. Paytaxt klubu bir pillə qabaqladığı "Kəpəz" qarşısında qələbə qazanacağı təqdirdə həm rəqibindən bir az da uzaqlaşacaq, həm də növbəti gün meydana çıxacaq "Sumqayıt"ın mümkün məğlubiyyəti ilə yerini yuxarıya doğru bir addım dəyişəcək. "Neftçi"nin məğlubiyyəti isə qərblilərin onları arxada qoymasına şərait yaradacaq. Əsas hədəfləri 4-cülük və dolayısı ilə Avrokuboklar olan hər iki komanda nəzəri şanslarını davam etdirmək üçün güzəştsiz mübarizə aparacaqlar.
Paytaxtda isə liderlərin "döyüşü" baş tutacaq. İki əyalət klubu Bakıda münasibətlərinə aydınlıq gətirəcəklər. İlk pillənin sahibi "Qarabağ" özündən 4 xal geri qalan və ikinci pillədə möhkəmlənmiş "Qəbələ"ni qəbul edəcək. Bu oyun Roman Qriqorçukun komandası üçün ölüm-dirim mübarizəsidir. Belə ki, "qırmızı-qaralar" məğlub olacaqları təqdirdə demək olar ki, çempionluqla vidalaşacaqlar. Aradakı fərqi 7-ə çıxardacaq ağdamlılar sona 4 tur qalmış rəqibindən xeyli uzaqlaşmış olacaq.
Qələbə isə qonaqlar üçün yeni bir ümid olacaq. Qəbələlilər paytaxtdan 3 xalla ayrıla bilsələr, qalan matçlarda xal itirməməyə çalışaraq ağdamlıların da ən az bir dəfə büdrəməsinə ümid edəcəklər.
Azərbaycan Premyer Liqası
XXV tur
9 aprel (bazar)
16:00. "Kəpəz" - "Neftçi"
Hakimlər: Elvin Əsgərov, Rahil Ramazanov, Mübariz Haşımov, Ömər Paşayev
AFFA nümayəndəsi: Əsgər Əmirəliyev
Hakim-inspektor: Murad Məmmədov
Gəncə şəhər stadionu
20:30. "Qarabağ" - "Qəbələ"
Hakimlər: Fariz Yusifov, Yaşar Abbasov, Elman Musayev, Orxan Məmmədov
AFFA nümayəndəsi: Elbrus Abbasov
Hakim-inspektor: Əli Hüseynov
Tofiq Bəhramov adına Respublika stadionu
Turnir cədvəli
|
1 |
Qarabağ |
24 |
16 |
4 |
4 |
39-12 |
52 |
|
2 |
Qəbələ |
24 |
13 |
8 |
3 |
43-14 |
48 |
|
3 |
İnter |
24 |
11 |
9 |
4 |
35-24 |
42 |
|
4 |
Zirə |
24 |
8 |
7 |
9 |
21-24 |
31 |
|
5 |
Sumqayıt |
24 |
7 |
7 |
10 |
22-30 |
28 |
|
6 |
Neftçi |
24 |
8 |
2 |
14 |
19-38 |
26 |
|
7 |
Kəpəz |
24 |
5 |
9 |
10 |
17-26 |
24 |
|
8 |
AZAL |
24 |
1 |
7 |
16 |
11-39 |
10 |
Bombardir: Filip Ozobiç ("Qəbələ") - 11
Milli.Az
Digər maraqlı xəbərlər Milli.Az-ın Facebook səhifəsində
