Milli Televiziya və Radio Şurasının sədri Nuşirəvan Məhərrəmli özəl televiziya kanallarında yayımlanan və müntəzəm olaraq özəl klinikaların reklamı ilə məşğul olan tibbi verilişlərlə bağlı ictimaiyyətə xəbərdarlıq edib.
N. Məhərrəmli Lent.az-a açıqlamasında deyib ki, medianın rolu insanları bu məsələlərdə ayıq olmaqla bağlı maarifləndirməkdir: “İnsanlarımız efirdə hər bir həkimin dediyinə inanmasınlar. Qərar verməmişdən əvvəl yüz ölçüb-bir biçsinlər. Kommersiya maraqları çox təəssüf ki, peşəkarlığı aşağı səviyyəyə salır. O baxımdan insanlar bir az ayıq olmalıdırlar, hər deyilən sözə inanmamalıdırlar”.