ABŞ-ın Suriyaya dair prioritetləri açıqlandı

ABŞ-ın Suriyaya dair prioritetləri açıqlandı
07:49 9 Aprel 2017
91 Digər
Ölkə mətbuatı
A- A+

“İŞİD terror qruplaşması ilə mübarizə ABŞ-ın əsas prioritetidir”. APA-nın “RİA Novosti”yə istinadə verdiyi xəbərə görə, bunu ABŞ-ın dövlət katibi Reks Tillerson deyib.

 

“Hesab edirik ki, bizim birinci dərəcəli prioritet  İŞİD üzərində qələbədir”, - deyə Tillerson CBS telekanalının müxbirinin ABŞ-ın Suriyaya qoşun yeritmək planının olub-olmamasına dair sualına cavab verərkən bildirib.

 

“Düşünürəm ki, İŞİD təhlükəsi azaldıqdan və ya ləğv edildikdən sonra diqqətimizi artıq Suriyada  vəziyyətin sabitləşməsinə yönəldə bilərik”, - deyə o qeyd edib.

 

Qeyd edək ki, ABŞ-ın dövlət katibi Reks Tillerson ötən həftə Ankarada rəsmi səfərdə olarkən bəyan edib ki, Suriya prezidenti Bəşər Əsədin taleyini yalnız Suriya xalqı həll etməlidir. ABŞ-ın BMT-dəki daimi nümayəndəsi Nikki Heyli isə Bəşər Əsədin hakimiyyətdən uzaqlaşdırılmasının artıq ABŞ üçün prioritet olmadığını qeyd etmişdi. 


Xəbərin orijinal ünvanı: http://news.lent.az/news/271705

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR