"60-cı illərdə bizim yaxşı hücum üçlüyümüz var idi: Tuayev, Banişevski və Markarov. Sonuncu Bakıda yaşamır". Fanat.Az xəbər verir ki, bu sözləri "Neftçi"nin Müşahidə Şurasının sədri Çingiz Abdullayev deyib.
"Moskva-Bakı" portalının suallarını cavablandıran Xalq yazıçısı "Neftçi"nin 80 illik yubleyi barədə danışıb. Abdullayev 1961-1970-ci illərdə "Neftçi"nin formasını geyinmiş, Bakıda doğulmuş erməni futbolçu Eduard Markarovun hələ də "Neftçi"yə azarkeşlik etdiyini bildirib: "Bir vaxtlar onu “İki respublikanın əfsanəsi” adlandırırdılar. Bütün hallarda Markarov hələ də “Neftçi”yə azarkeşlik edir. Son illər baş verən heç bir faciəvi hadisə onun sevimli komandasına sevgisini öldürə bilməyib".
Fanat.Az