Hacıqabulda avtomobil 54 yaşlı piyadanı vurub.
Milli.Az APA-ya istinadən xəbər verir ki, saat 22.00 radələrində Hacıqabul rayon mərkəzində piyadanın vurulması ilə nəticələnən yol-nəqliyyat hadisəsi qeydə alınıb.
Quba rayonunun Xınalıq kənd sakini, 1963-cü il təvəllüdlü Qəribov Süleyman Oruc oğlu yolu keçərkən avtomobil tərəfindən vurulub.
Ağır xəsarətlər alan yaralı Şirvan şəhər xəstəxanasının reanimasiya şöbəsinə yerləşdirlib.
Faktla bağlı Hacıqabul polis şöbəsi tərəfindən araşdırma aparılır.
Milli.Az