Türkiyənin Həvəskarlar Liqasının III qrupunda mübarizə aparan "Arsinspor" ilə "Artvin Hopaspor" arasında keçirilən görüşdə gərginlik yaşanıb.
Fanat.Az xəbər verir ki, ilk hissə bitdikdən sonra soyunub-geyinmə otağına gedən yolda "Arsinspor"un prezidenti Kamil Ustaömeroğlu rəqib komandanın futbolçusu Burak Bükel ilə dalaşıb.
Klub rəhbəri futbolçuya yumruq atdıqdan sonra hər iki klubun futbolçuları və rəsmiləri arasında da qarşıdurma yaranıb. Araya polis girdikdən sonra tərəflər ayrılıb.
Qeyd edək ki, görüşdə "Arsinspor" 4:1 hesabı ilə qələbə qazanıb.
Fanat.Az