"Celta Vigo"nun hücumçusu Cüzeppe Rossi İspaniya Primerasının 31-ci turunda "Eibar"la oyunda ciddi zədə alıb.
Milli.Az goal.az-a istinadən xəbər verir ki, italiyalı forvardın diz vətərləri qopub. Rossinin bərpasına ən azı 6 ay lazımdır. Bu, onun karyerasında 3 analoji zədədir. Daha öncə 2 dəfə diz bağlarını qıran forvard ümumilikdə 2 il yaşıl meydanlardan kənarda qalmışdı. Vaxtilə İtaliya futbolunun ulduzu olacağı planlaşdırılan Rossinin potensialını tam aça bilməməsini də məhz həmin zədələrlə əlaqələndirirlər.
Milli.Az