Futbol üzrə 2026-cı il Dünya çempionatı Şimali Amerikada keçirilə bilər.
Metbuat.az-ın məlumatına görə, Kanada, ABŞ və Meksika bu gün birgə namizədliklərini irəli sürüblər. Daha öncə KONKAKAF-ın prezidenti Viktor Montalyani sözügedən ölkələrin Dünya çempionatı keçirmək istədikləri ilə bağlı açıqlama vermişdi.
DÇ-2026-nın harada keçiriləcəyi 2020-ci ilin mayında müəyyənləşəcək.
Qeyd edək ki, mundiallarda 48 yığmanın iştirakını nəzərdə tutan yeni qaydalar məhz 2026-cı ildən etibarən tətbiq olunacaq.