“Apple” şirkətinə məxsus “macOS” əməliyyat sisteminin zərərverici proqram təminatından uzaq olması fikri tam reallığı əks etdirmir – “McAfee” antivirus şirkətinin mütəxəssisləri belə düşünür. Onların məlumatına görə, son 12 ayda “macOS” sistemi üçün aşkar edilmiş virusların sayı 750% artıb.
“Mac” sistemi üçün yeni zərərverici proqram təminatının böyük əksəriyyəti – bu, istifadəçi kompüterlərini çoxlu sayda müxtəlif reklamlarla dolduran reklam modullarıdır. Belə viruslar, əlbəttə ki, zəhlətökəndir, amma məxfi informasiya üçün təhlükə yaratmır" – ekspertlər bildiriblər.
“ICTnews” Elektron Xəbər Xidməti “planet-today.ru” saytına istinadən yazır ki, “macOS” platforması üçün virus yaradan hakerlər daha təhlükəli proqram təminatı hazırlayırlar.
Mütəxəssislər bildiriblər ki, “MacOS” sistemi üçün, həmçinin sistemi tamamilə özünə tabe etdirən və onu zərərli botnet elementinə çevirən troyanlar yaradılır.
Emil Hüseynov
