Argentina Futbol Assosiasiyası (AFA) milli komandaya baş məşqçi axtarışlarını davam etdirir.
Milli.Az apasport.az-a istinadən xəbər verir ki, assosiasiya prezidenti Klaudio Tapia artıq iki mütəxəssislə danışıqlar apardıqlarını açıqlayıb.
Söhbət "Atletiko"nun çalışdırıcısı Dieqo Simeone və "Sevilya"nın baş məşqçisi Xorxe Sampaolidən gedir. Tapia onlarla danışıq aparmaq üçün yaxın günlərdə İspaniyaya yollanacağını söyləyib. Sampaoli ilə hətta ilkin razılıq alındığı da qeyd edilib.
Qeyd edək ki, ötən ilin avqustunda Argentina yığmasına baş məşqçi təyin olunan Edqardo Bausa bu ay istefaya göndərilib.
Milli.Az
Digər maraqlı xəbərlər Milli.Az-ın Facebook səhifəsində