"Lider" telekanalında yayımlanan "Çıxış yolu" verilişinə müraciət edən Həsənova Sona Əlixan qızı dəhşətli faktların üstünü açıb.
78 yaşlı qadın bildirib ki, qardaşının həyat yoldaşı olan Qənaət adlı qadın tərəfindən zorla Türkiyəyə aparılıb və beş il ərzində evlərdə xidmətçi kimi işlədilib:
"Qardaşım arvadı məni qorxudub dedi ki, Türkiyəyə işləməyə getməsən, səni öldürəcəm. Beş il Türkiyədə evlərdə xidmətçi işlədim. Sonra yıxıldım, ayağım sındı və bir türk ailəsinin yazığı gəlib mənə sahib çıxdı. Onların vasitəsi ilə Azərbaycana qayıda bildim.
S.Həsənovanın sözlərinə görə, bir qızı var və övladı da onu atıb, hazırda qardaşı oğlunun evində yaşayır. (ölkə.az)
