Şəkidə yol qəzası baş verib.
Milli.Az ARB Şəki-yə istinadla xəbər verir ki, hadisə saat 11:20 radələrində Şəki-Oğuz şossesinin Qırxbulaq kəndi ərazisində meydana gəlib.
Şəki istiqamətində hərəkət edən 1953-cü il təvəllüd Fikrət Mahmuodvun idarə etdiyi 55 BL 355 dövlət nömrə nişanlı "Toyota Prado" markalı avtomobil idarəetməni itirərək yolun sol tərəfində dayanmış 55 BT 673 dövlət nömrə nişanlı Elşən Cəfərova məxsus "Qaz-3302" markalı yük maşınına çırpılıb. Qəza nəticəsində "Prado"nun sürücüsü Fikrət Mahmudov xəsarət alıb.
Hadisə yerində dərhal Şəki TTTYS-nın briqadası gəlib. Fikrət Mahmudova ilkin tibbi yardım göstərildikdən sonra Şəki MRX-na çatdırılıb. Hazırda xəstənin vəziyyəti orta-ağırdır. Xoşbəxtlikdən "Qazel"in sürücüsü avtomobildə olmayıb.
Faktla bağlı BDYPB-də araşdırılma aparılır.
Milli.Az