Suriya mövzusunun müzakirə olunduğu G-7 sammitinin ardından Fransa Xarici işlər naziri Jan-Mark Ero Bəşər Əsədin gələcəyi ilə bağlı önəmli açıqlamalar verib.
Metbuat.az-ın məlumatına görə, G-7 sammiti İtaliyada işinə başlayıb. 7 ölkənin xarici işlər nazirləri Suriya məsələsini müzakirə etmək üçün toplanıb. İclasın ardından Fransa Xarici işlər naziri Jan-Mark Ero mətbuat nümayəndələri ilə fikirlərini bölüşüb:
"G-7 ölkələri Suriyanın gələcəyində Bəşər Əsədə yer olmadığı mövzusunda həmfikirdirlər. O cümlədən, Rusiya və Suriyaya qarşı sanksiyalar tətbiq edilməsi də gündəmimizdədir".
Qeyd edək ki, Eronun dediklərinin əksinə, Rusiyaya qarşı qadağaların tətbiq edilməsi digər üzv ölkələr tərəfindən dəstəklənməyib.