Aktyorlar Fərda Xudaverdiyev və İslam Mehrəliyev aparıcı Azər İsmayılovun Türkiyədə lentə alınan "Yanlış anlama" filmi ilə bağlı iddialarına cavab verib.
Milli.Az axşam.az-a istinadən bildirir ki, A.İsmayılov ekran işinin ideyasının ona məxsus olduğunu, oğurlandığını söyləyib.
İ.Mehrəliyev "ATV maqazin onlarla" verilişində məsələyə aydınlıq gətirib:
"Film başlayanda danmıram, ilk təklifi Azərdən almışdım. Hətta Levent bəy, mənə dedi ki, Azərlə danışmışam, Azərbaycandan siz və Pərvin Abıyeva çəkiləcəksiniz. Türkiyədən təklif alanda Azərlə danışdım. Qayıtdı ki, xəbər edəcəm. Bu yaxınlarda isə mənə deyir ki, çəkilmə, söz ver ki, razılaşmayacaqsan. De ki, Azər yoxdursa, mən də yoxam. Niyə olmamalıyam ki? Mənim üstümdən pul qazanmaq istəyirsən? Yaxşısansa, niyə türklər mənim nömrəmi istəyəndə verməmisən? Haqqımı tələb etmişəm, ondan sonra da çəkilirəm. Mənim istedadıma görə yol açırlar".
F.Xudaverdiyev isə bu hadisədən xəbərsiz olduğunu deyib:
"Onların arasında nə baş verir bilmirəm. Mənim orada olmağımın səbəbkarı Azər yox, türkdür. İslamla mübahisələrin də bilirdim".
A.İsmayılov isə sözügedən ekran işinin Azərbaycan kinoteatrlarında yayımlanmasına mane olacağını söyləyib.
Milli.Az
