Gəncədə yaşayış binasında qaz partlaması nəticəsində qadın xəsarət alıb. APA-nın qərb bürosunun verdiyi məlumata görə, hadisə şəhərin 4-cü mikrorayonunda qeydə alınıb. Qaz sızması səbəbindən baş vermiş partlayış nəticəsində 1960-cı il təvəllüdlü Rəqibə Musayeva müxtəlif bədən xəsarətləri alaraq, Gəncə şəhər Təcili Tibbi Yardım Xəstəxanasına yerləşdirilib. Ona tibbi yardım göstərilib. Vəziyyətinin orta ağır olduğu bildirilir.