Çempionlar Liqasında 1/4 final mərhələsinə start verilib.
Metbuat.az-ın məlumatına görə, gecənin maraqla gözlənilən matçında "Yuventus" "Barselona"nı qəbul edib.
Oyun ev sahiblərinin üstünlüyü şəraitində keçib. 7-ci dəqiqədə Paulo Dibala hesabı açıb. Çox keçmədən argentinalı futbolçu dublunu rəsmiləşdirib. Kyellininin 53-cü dəqiqədə vurduğu qol isə matçda sonuncu olub. Beləliklə, "Yuventus" "Barselona"nı 3:0 hesabı ilə məğlub edib.
Çempionlar Liqası
1/4 final
"Yuventus" - "Barselona" - 3:0
Qollar: Dibala, 7; 22, Kyellini, 53
Komandalar arasındakı cavab oyunu aprelin 19-da keçiriləcək.