“Neftçi”nin transfer etmək istədiyi daha bir futbolçunun adına aydınlıq gəlib. Fanat.Az-a verilən məlumata görə, “İnter”in yarımmüdafiəçisi Nizami Hacıyevi mövsümün sonunda rənglərinə bağlamağa hazırlaşan “ağ-qaralar” bu komandanın qapıçısına da göz dikib.
Səlahət Ağayevin keçidini həll etmək “Neftçi” rəhbərliyinin əsas hədəflərindəndi. Millinin qolkiperinin səviyyəli yerli statusu daşıması onu “İnter”də çalışdığı dönəmdən yaxşı tanıyan baş məşqçi Elxan Abdullayevin də planlarına uyğundu. Abdullayev mayda bərbad nəticələr üzündən qovulmayacağı təqdirdə, Səlahətə əsas qapıçı missiyasını həvalə edəcək.
Fanat.Az