"Real Madrid"ın futbolçusu Kriştianu Ronaldu növbəti rekorda imza atıb.
Milli.Az Trend-ə istinadən bildirir ki, portuqaliyalı hücumçu bunu Çempionlar Liqasının 1/4 finalının "Bavariya" ilə ilk oyununda gerçəkləşdirib.
Belə ki, 32 yaşlı hücumçu görüşdə dubl edərək avrokuboklardakı qol sayını 100-ə çatdırıb. Bunu isə hələ ki, heç kim bacarmayıb. 98 dəfə ÇL-də fərqlənən Kriştianu 2 dəfə UEFA superkubokunda qol vurub.
Qeyd edək ki, Ronaldu ÇL-də son qolunu ötən ilin sentyabrında Dortmund "Borussiya"sına vurmuşdu.
Milli.Az
Digər maraqlı xəbərlər Milli.Az-ın Facebook səhifəsində
