Bakının Nəsimi rayonunda gənc qız şantaj olunması ilə bağlı polisə şikayət edib.
Milli.Az teleqraf-a istinadən xəbər verir ki, Samirə Əliyeva (ad və soyad şərti verilib -H. Z.) Bakı şəhər sakini Rövşən Xankişiyev tərəfindən şantaj edilib.
Məlumata görə, Samirə Əliyeva bir müddət əvvəl sosial şəbəkədə Rövşən Xankişiyevlə tanış olub. Sonra onların münasibətləri daha da istiləşib. Rövşən Xankişiyev Samirə ilə bir neçə dəfə cinsi əlaqədə olub, onun çılpaq şəkillərini çəkib. Sonra o, Samirəni şantaj edib.
Rövşən Xankişiyev Samirədən həmin şəkilləri sosial şəbəkədə yaymamaq üçün 1000 manat verməsini tələb edib. Sonra o, Samirəni döyüb. Bununla bağlı Samirə Əliyeva Nəsimi rayon Polis İdarəsinin 22-ci polis bölməsinə müraciət edib.
22-ci polis bölməsi əməkdaşlarının keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən Rövşən Xankişiyev tutulub.
Faktla bağlı cinayət işi başlanıb.
Milli.Az
Digər maraqlı xəbərlər Milli.Az-ın Facebook səhifəsində
