Azərbaycan, Bakı, 7 yanvar /Trend, müxbir Aygün Bədəlova/
Yen Bredşou Transadriatik boru kəmərinin (TAP) tikintisi layihəsinin yeni icraçı direktoru təyin edilib.
Trend xəbər verir ki, bu barədə TAP-ın çərşənbə günü yaydığı məlumatda deyilir.
Qeyd olunur ki, Y.Bredşou bu postda dörd il yarımdan çox TAP layihəsinə rəhbərlik edən Kyetil Tunqladı əvəz edib.
Bundan əvvəl Y.Bredşou Britaniyanın "BG Group" neft-qaz şirkətində müxtəlif yüksək vəzifələri tutub.
O, son təyinatadək "BG Group"un əsas layihələr üzrə baş vitse-prezidenti olub.
Məqalə müəllifi ilə əlaqə ünvanı: agency@trend.az