"Star TV"də yayımlanan "Zuhal Topalla" izdivaç verilişində yer alan azərbaycanlı iştirakçılar Naz Mila və Elmir İsmayılov arasında xoşagəlməz hal yaşanıb.
Milli.Az axşam.az-a istinadən bildirir ki, model və aktyor kimi çalışan Elmir proqrama Naz Mila üçün namizəd kimi qatılıb. Cütlüyün münasibəti ilk vaxtlar yaxşı getsə də, ötən gün aralarında qalmaqal yaşanıb.
Elmirin keçmiş sevgilisinin ona hədiyyə etdiyi üzüyü hələ də barmağında saxlaması Nazı özündən çıxarıb. Dünən isə Naz Elmirin keçmiş sevgilisinin ona zəng etdiyini, xoşagəlməz sözlər dediyini söyləyib:
"Qız mənə Elmirlə olan fotolarını göndərdi. Dedi ki, hətta bir neçə gün əvvəl görüşüblər, münasibətləri davam edir. Hətta o gün mənim yanımda olandan qızla görüşüb. Əynində eyni libaslar var idi, şəkil çəkdirib".
Naz Elmirin ona bundan əvvəlki sevgilisi Əli Əkbərdən intiqam almaq üçün gəldiyini söyləyib:
"Elmirin Əlinin acığına mənimlə sevgili olmaq istədiyini başa düşdüm".
E.İsmayılov bu iddiaları rədd edib. N.Mila onunla münasibəti bitirdiyini söyləyib.
Qeyd edək ki, Naza bundan əvvəl namziəd olan azərbaycanlı model Əli Əkbər Elmirlə dost olduqlarını demişdi:
"Elmirlə dost olan qızın məndən xoşu gəlirdi. Elmirdə həmin qızı bəyənirdi. Ona görə mənimlə düşmən olub. İndi verilişə də mənim acığıma Naz üçün gəlib".
Milli.Az
Digər maraqlı xəbərlər Milli.Az-ın Facebook səhifəsində
