Müfəttişlər ABŞ prezidenti Donald Trampın Floridada
yerləşən şəxsi istirahət məkanı olan Mar-a-Laqoya basqın edib.
Publika.az xəbər verir ki, yanvar ayının sonlarında bir
qrup müfəttiş məkana gələrək, yoxlamalar aparıblar. Mətbəxi
yoxlayarkən, bir çox xəstəliklərə yol aça biləcək qidalardan
istifadə olunduğu ortaya çıxıb.
Müfəttişlərin hazırladığı hesabatda bildirilir ki, istirahət
məkanının mətbəxində ətlər lazımi temperaturda saxlanılmır, bununla
yanaşı, personal bir sıra bəsit təlimatları həyata keçirə
bilmir.
Amerika mediasının məlumatına görə, Tramp hər həftə sonunu
Mar-a-Laqoda keçirir və təmizliyə riayət olunmasına xüsusi diqqət
yetirir. Hətta ABŞ prezidentinin əl tutuşmaq kimi salamlamaları
belə xoşlamadığı deyilir. Trampın şəxsinə aid istirahət məkanında
200 min dollar ödəyərək, kluba üzv olanların hər biri dincələ
bilirlər.
Qeyd edək ki, Tramp Yaponiyanın baş naziri Sinzo Abeni və Çin
lideri Si Sinpinqi bu məkanda qonaq edib.
Amerika kəşfiyyatı mıkanın təhlükəsizliyinə xüsusi diqqət
yetirir.
Asif