Xızıda yol qəzasında yaralanan şəxs ölüb. Lent.az Daxili İşlər Nazirliyinin mətbuat xidmətinə istinadən xəbər verir ki, aprelin 6-da Xızı rayonunun Yaşma kəndində Bakı şəhər sakini Nizami Məmmədov idarə etdiyi "DAF" markalı avtomobillə yolu keçən Quba rayon sakini Soltan Mirzəyevi vurub. Xəstəxanaya yerləşdirilən piyada aprelin 13-də orada ölüb.
Baş İstintaq və Təhqiqat İdarəsi tərəfindən araşdırma aparılır.
