Daxili İşlər Nazirliyi Qaxda törədilmiş qətl hadisəsi ilə bağlı məlumat yayıb. Lent.az nazirliyin saytına istinadən xəbər verir ki, aprelin 14-də Qax şəhəri ərazisində şəhər sakini Nəbi Hacıyev münaqişə zəminində tüfəngdən açdığı atəşlə həmyerlisi Aydın Musayevə xəsarət yetirib.
Xəstəxanaya yerləşdirilən A.Musayev orada ölüb.
Qax RPŞ əməkdaşlarının keçirdikləri əməliyyat tədbirləri ilə N.Hacıyev tutulub, hadisəni törədərkən istifadə edilmiş müvafiq sənədləri olan “İJ-16” markalı tüfəng götürülüb.