Türkiyədə 18 maddəlik yeni konstitusiya dəyişikliyi üçün aprelin 16-da referendum seçkiləri keçiriləcək.
Milli.Az qafqazinfo-ya istinadən xəbər verir ki, prezident sistemini gətirəcək referendumda ölkə daxilində 55 milyon 319 min 222 seçici 167 min 140 seçki məntəqəsinə gedəcək, həbsxanalarda da 461 seçki qutusu qoyulacaq.
Sarı rəngli zərflərdə ağ rəng üstündə "Evet" (bəli), qəhvəyi rəng üstündə isə "Hayır" (xeyr) sözləri yazılan iki ayrı kağızlar olacaq.
AK Partiya, CHP, HDP və MHP ilə yanaşı Ana Vətən, Müstəqil Türkiyə Partiyası, Böyük Birlik Partiyası, Azad Dava Partiyası, Səadət Partiyası və Vətən Partiyası referendumla bağlı əməliyyatların gedişatını izləyəcək.
Milli.Az
