Azərbaycan Ordusu genişmiqyaslı təlimlərə başlayır.
Suriyaordusuna aid aviabazanın ABŞ tərəfindən vurulması
ilə əlaqədar gərginlik davam edir. Qərb daha açıq səslə Suriya
lideri Bəşər Əsədin hakimiyyətdən getməli olduğunu bildirir. Rusiya
prezidenti Vladimir Putin Suriyada yeni təxribatların hazırlandığı
barədə xəbərdarlıq edib. Koreya yarımadası ətrafında vəziyyət
gərginləşir. ABŞ-ın bölgəyə hərbi gəmilərini çıxartmasından sonra,
Şimali Koreya ordunu hazır vəziyyətə gətirib. “Putin NATO-su”
adlanan Kollektiv Təhlükəsizlik Müqaviləsi Təşkilatına (KTMT)
erməni baş katibi təyin olunması nəhayət ki baş
tutdu.
Azərbaycan, Dağlıq Qarabağ
Azərbaycan ordusu aprel ayının 16-dan qoşunların
döyüşə hazırolma qabiliyyəti, qüvvə və vasitələrin idarə
olunmasının təşkili, onların qarşılıqlı fəaliyyətinin yoxlanılması
məqsədilə döyüş şəraitinə uyğunlaşdırılmış vəziyyətdə genişmiqyaslı
təlimlər keçiriləcək.
Təlimlərə 30 min nəfərədək şəxsi heyət, 250-dən artıq tank və
zirehli texnika, 200-dək müxtəlif çaplı raket və artilleriya
qurğusu, reaktiv yaylım atəş sistemi və minaatan, 25 ədəd müxtəlif
təyinatlı döyüş aviasiyası, eləcə də yeni növ radioelektron
kəşfiyyat vasitələri və pilotsuz uçuş aparatları cəlb olunacaq.
Təlimlər aprelin 21-dək davam edəcək.
Eyni zamanda Ermənistan silahlı qüvvələri işğal
altında olan Azərbaycan torpaqlarında hərbi təlim
keçirir. Ermənilər aprelin 13-dən Ağdamın Uzundərə
adlanan ərazisində təlimlərə başlayıb. Erməni hərbçilər irimiqyaslı
hərbi təlimlərdə əsasən ağır artilleriya qurğularından istifadə
edirlər. Ağır artilleriya və zirehli texnikalardan açılan atəş
səsləri rayonun bütün yaşayış məntəqələrində eşidilir.
KTMT-nin baş katibinin səlahiyyətlərini müvəqqəti
icra edən Valeri Semerikov bildirib ki, baş katib vəzifəsinə
təyinat təşkilata üzv dövlətlərin rəhbərlərinin dünən Bişkekdə
keçirilən iclasında reallaşıb.
Yeni baş katib Ermənistan silahlı qüvvələrinin baş qərargah
rəisi Yuri Xaçaturovdur. Bununla Ermənistanın öz arzusuna çatdığı
hesab olunur. Lakin Yuri Xaçaturovun Moskvaya bağlılığı Putinin
gizli planını reallaşdırdığını deməyə əsas verir.
Rusiyadan Ermənistana SARSIDICI ZƏRBƏ: Xaçaturovun sirri və GİZLİ HƏDƏF
Ermənistanın birinci prezidenti, “Erməni milli
konqresi”nin lideri Levon Ter-Petrosyan yenidən Dağlıq Qarabağ
münaqişəsinin həlli məsələsinə toxunub və əvvəlki təkliflərini
səsləndirib. “Hazırda danışıqlar masasında olan
variant ən yaxşı təklifdir. Ərazilərin qaytarılması və
təhlükəsizliyin təmin edilməsi lazımdır. Vaxt keçdikcə, bu, bizim
ziyanımıza işləyir”, - deyə o bildirib.
Ter-Petrosyan erməniləri qul adlandırdı və Qarabağı TƏLƏB ETDİ
“Donald Tramp müharibəni rəsmi səviyyəyə çıxararaq,
Suriyada Obama tərəfindən başlanmış siyasəti davam
etdirir”. Bu barədə rusiyalı politoloq Qriqori
Trofimçuk deyib.
Q.Trofimçuk hesab edir ki, Vaşinqton Dağlıq Qarabağ münaqişəsi
ilə bağlı da öz yanaşmasını təqdim edəcək və bu yanaşma əvvəlkindən
daha kəskin olacaq və ABŞ Rusiyanı Qarabağ münaqişəsinin nizama
salınmasından uzaqlaşdırmağa çalışacaq.
Suriyadan sonra QARABAĞ... - Torpaqlarımızda Putin-Tramp MÜHARİBƏSİ QIZIŞIR
Suriya böhranı
Türkiyə hökuməti Astana görüşündən əvvəl Suriyada
atəşkəsə zəmanətçi olan ölkələrin (Rusiya, İran, Türkiyə) Tehranda
qapalı görüş keçirməsini istəyib. Bunu Suriya Xarici
İşlər nazirinin müavini Faysal Mikdad söyləyib. O, görüşün Tehranda
aprelin 18-i və 19-da keçiriləcəyini bildirib. Mikdad Astanadakı
danışıqların yeni raundunun Tehran görüşünün nəticələrindən asılı
olacağını söyləyib. Qeyd edək ki, Astana görüşü mayın 3-də
keçiriləcək.
ABŞ prezidenti Donald Tramp Rusiyanın Suriyadakı
addımlarına görə Putin hökumətinə qarşı yeni sanksiyalar irəli
sürmək niyyətindədir. ABŞ-ın BMT-dəki daimi
nümayəndəsi Nikki Haley Trampın Rusiya və İrana qarşı sanksiyalar
tətbiq etməyi planlaşdırdığını açıqlayıb. Onun sözlərinə görə,
Suriyada hakimiyyətdə Bəşər Əsəd olduğu müddətdə Suriyada sülh
görmürlər. “İranın Suriyadakı nüfuzunu qırmaq və problemin həllinə
nail olmaqdır. Rejim dəyişikliyinin reallaşacağını düşünürük”, - o
əlavə edib.
Rusiya Dövlət Dumasının xarici əlaqələr komitəsinin rəhbəri
Konstantin Kosaçev isə bildirib ki, Tramp Suriyaya görə Rusiyaya
qarşı sanksiyalar tətbiq edərsə, bu, iki ölkənin münasibətlərini
pozacaq.
ABŞ prezidentinin müşaviri general Gerbert Makmaster
Amerikanın Suriya hökumət qüvvələrinin bazalarına endirilən raket
zərbələrini artıra biləcəyini söyləyib. Amerikalı
senator Con Makkeyn Suriya Hərbi Hava Qüvvələrinin bütün bazalarını
yox edilməli olduğunu bildirib.
ABŞ Hərbi Hava Qüvvələrinin Suriya ordusuna aid
aviabazanı raket atəşinə tutması Dəməşqin ən yaxın himayəçilərindən
olan Moskva ilə Vaşinqton arasında münasibətləri daha da
gərginləşdirib. ABŞ-Rusiya münasibətlərinin
inkişafını dəyərləndirən KİV və ekspertlər hərbi qarşıdurmanı da
istisna etmirlər.
ABŞ və Rusiya nüvə müharibəsinə başlaya bilər - ÜÇ MÜMKÜN SSENARİ
ABŞ prezidenti Donald Trampın qızı İvanka Tramp
Suriya hökumət qüvvələrinə aid hərbi hava bazasına raket
zərbələrinin endirilməsi barədə atasının qərarına əhəmiyyətli təsir
göstərib. Bu haqda öz mənbələrinə istinadən “The
Independent” nəşri məlumat yayıb.
“RİA Novosti”yə müsahibəsində Suriya Xarici İşlər
nazirinin müavini Faysal Mikdad xəbərdalıq edib ki, Əsəd
hakimiyyətdən getsə, Suriya dövlət olaraq yox olacaq və
parçalanacaq. “Biz hər zaman demişik ki, bu
hakimiyyət olmasa, Suriya yox olacaq. Bizim rəhbərlik ölkədə
islahatların keçirilməsinin mahiyyətini anlayır”, – deyə o
bildirib.
Rusiya ordusunun ehtiyatda olan general-polkovniki
Yevgeni Bujinski isə hesab edir ki, Suriyanın dövlət başçısı Bəşər
Əsədi hərbi yolla devirmək mümkün deyil. “Rusiya və
İran hərbi yardımı davam etdirdiyi təqdirdə, Bəşər Əsədi hərbi
yolla devirmək mümkün olmayacaq”, - general deyib.
Almaniya hökumətinin sözçüsü Steffen Seybert isə
deyib ki, Əsəd prezident olduğu müddətdə Suriyada dinclik
olmayacaq: “Əsəd heç vaxt sülhə razı olmayıb.
Böhranın həll olunması üçün Əsəd vəzifəsindən getməlidir. Yoxsa
Suriyada heç vaxt sülh və sabitlik hökm sürməyəcək”.
“Əsəd ailəsinin iqtidarı sona
yaxınlaşır”. Bu barədə ABŞ Dövlət katibi Reks
Tillerson “G7” sammitindən sonra verdiyi açıqlamada deyib.
G7 (“Böyük yeddilik”) ölkələrinin xarici işlər
nazirlərinin görüşündə (10-11 aprel) Rusiya və Suriya barəsində
sanksiyalar haqqında qərar qəbul edilməyib. Lakin
bütün ölkələr Suriya prezidenti Bəşər Əsədin ölkənin gələcəyinin
bir hissəsi olmasının mümkün olmadığı fikrində razılaşıblar.
Suriya mənbələrinin məlumatına görə, Vaşinqton artıq
Əsədin yerinə gələcək şəxsi də müəyyənləşdirib. Bu,
Suriya hadisələri başlayan zaman Fransaya sığınan keçmiş ordu
generalı Menaf Tlasdır. “Əsədi devirmək üçün ABŞ-ın Rusiyanı
əsəbiləşdirəcək addımlar ata biləcəyi gözlənilir. Suriyada yerli
mənbələr ABŞ-ın qısa müddətdə bir neçə strateji obyekti də
vuracağını deyirlər. Hətta rus əsgərləri bəzi strateji nöqtələri
boşaldırlar”, - deyə Türkiyənin “Vatan” qəzeti yazıb.
Əsədin devrilməsi QƏTİLƏŞDİ: onu bu general əvəzləyəcək – FOTO
Moskva isə ABŞ-la Suriya üzrə genişmiqyaslı
saziş naminə Bəşər Əsədə dəstəyindən imtina variantına
baxmır.
Moskva Qərbin Əsədlə bağlı tələbinə CAVAB VERDİ
Rusiya prezidenti Vladimir Putin italiyalı həmkarı
Sergio Mattarella ilə danışıqlardan sonra keçirdiyi mətbuat
konfransında bildirib ki, Suriyada yeni təxribatlar hazırlanır.
Hədəf Suriya hakimiyyətini kimyəvi silahdan istifadədə ittiham
etməkdir.
“Bizdə müxtəlif mənbələrdən informasiya var ki, belə təxribatlar
hazırlanır. Suriyanın başqa regionlarında, həmçinin Dəməşqin cənub
şəhərətrafında hansısa bir maddəni atmağa və Suriyanın rəsmi
hakimiyyətini ittiham etməyə hazırlaşırlar”, - Putin deyib.
Rusiya prezidentinin fikrincə, Avropa ölkələri ABŞ-ın Suriyaya
zərbələrini dəstəkləyərək Donald Tramp administrasiyası ilə
münasibətləri qaydaya salmağa çalışır.
ABŞ-ın dövlət katibi Reks Tillerson 11-12 aprel
tarixlərində Moskvada səfərdə olub. Britaniyanın “The
Telergraph” nəşri səfərdən əvvəl bildirmişdi ki, Qərb diplomatiyası
Bəşər Əsədə dəstəkdən imtinaya əvəz olaraq Rusiyanı G7-yə qaytara
bilər. Tillersonun da Moskvaya bu təkliflə getdiyi iddia
olunurdu.
Putindən tələb olunan QURBAN: Məğlubiyyət və alçalmanın BİR ADDIMLIĞINDA
Görüşdən əvvəl Lavrov ABŞ-ın Suriyaya raket
zərbələrini beynəlxalq hüququn pozunması adlandırıb.
O bildirib ki, ABŞ-ın ikitərəfli və beynəlxalq problemlər üzrə bu
yaxınlarda verdiyi bəyanatlarla bağlı Moskvada bir çox suallar var.
Reks Tillerson isə Suriya prezidenti Bəşər Əsədin hakimiyyətdə
olmasının ABŞ maraqlarına zidd olduğunu söyləyib: “Əsədin
hakimiyyəti sona çatmalıdır. Bu mövzuda digər ölkələr də bizə
dəstəkdir. Əsəd öz xalqınının məhvinə davam edir”.
Rusiya və ABŞ arasında Suriyaya dair milli maraqlara
cavab verən əlverişli sövdələşmə əldə olunmazsa, Rusiya təcrid
edilə bilər. Bunu brifinqdə Ağ Evin nümayəndəsi Şon
Spayser deyib.
“Milli maraqlarımıza cavab verməyən sövdələşməyə imza
atmayacağıq. Bu halda Rusiya təcrid ediləcək”, - deyə o qeyd
edib.
"Bəşər Əsəd rejiminin əlində hələ də kimyəvi
silahlar var". Bunu Türkiyənin xarici işlər naziri
Mövlud Çavuşoğlu deyib.
“Əlimizdəki dəlillər Suriya rəhbərliyinin hələ də kimyəvi silah
arsenalına sahib olduğunu göstərir. Əsədsiz Suriya üçün Rusiya razı
salınmalıdır”, - o, Suriya mövzusu üzrə G7 (“Böyük yeddilik”)
zirvəsindən sonra danışıb.
2013-cü ildə Suriya ordusundan fərarilik etmiş
general Zaher əs-Sakat iddia edir ki, hökumət yüzlərlə ton kimyəvi
silahları Kimyəvi Silahların Qadağan edilməsi Təşkilatından (KSQT)
gizlədib. Bununla belə artıq üç ildir ki Suriyada
olmayan Zaher əs-Sakat heç bir dəlil təqdim etməyib.
General 2013-cü ilədək Suriya Silahlı Qüvvələrinin 5-ci
diviziyasının kimyəvi silah hissəsinin komandiri olub. 2013-cü ilin
martında general ordudan fərarilik etsə də, məlumata görə,
Suriyadakı bəzi rəsmi şəxslərlə əlaqəsini saxlayıb.
Rusiyanın xarici işlər naziri Sergey Lavrov
Suriyanın fərari generalının Bəşər Əsəd hakimiyyəti ilə bağlı
ittihamlarına cavab verib. .Lavrov fərari generalın
Suriya iqtidarını kimyəvi silahdan istifadə etməkdə
günahlandırmasının doğru olmadığını bildirib.
Əsəd yenidən kimyəvi silah istifadə
edəcək. Bunu ABŞ-ın Suriyadakı son səfiri Robert
Stefen Ford ABŞ-ın Şayrat hücumu haqda CBS kanalına danışarkən
deyib. Səfir Suriyada Əsəd rejiminə qarşı mübarizənin davam
etdirilməsinin vacib olduğunu bildirib.
Amerika kəşfiyyatı Suriya hərbçiləri və kimya
ekspertlərinin İdlibdə zarin qazının tətbiqi ilə kimyəvi silah
hücumuna hazırlığını göstərən danışıqlarını
yaxalayıb. Bu haqda CNN telekanalına ABŞ
hökumətindəki mənbə bildirib.
Moskvaya BÖYÜK ZƏRBƏ: ABŞ kəşfiyyatı danışıqları ƏLƏ KEÇİRDİ
Ukraynanın “Obozrevatel” nəşrinə Rusiya jurnalisti
Leonid Radzixovski Suriyada kimya hücum haqqında qətnamə
layihəsinin səsverməsini BMT-nin bütün mövcudluğu ərzində Rusiya
üçün “ən biabırçı” adlandırıb.
“Rusiya həqiqətən tam siyasi təcrid vəziyyətindədir. Bu,
eksperimental faktdır. Əgər Boliviya, həmçinin İran, Şimali Koreya
və “Hizbullah” sizi dəstəkləyirsə, onda bu nə adlanır?” –
Radzixovski bildirib.
ABŞ prezidenti Donald Tramp "Fox Business"ə
müsahibəsində Rusiya prezidenti Vladimir Putinin Bəşər Əsədi
dəstəkləməsini pisləyib. "Putin Bəşər Əsədi
dəstəkləyir, hansı ki, bu insan həqiqətən də pis insandır. Mən
düşünürəm ki, bu Rusiya üçün çox pisdir. Mən düşünürəm ki, bu
bəşəriyyət üçün çox pisdir. Bu bizim dünyamız üçün çox pisdir, - o
deyib.
“Bəşər Əsədin kimyəvi silah istifadə etməsinə maneə
törədəcək ən təsirli üsul hərbi müdaxilədir”. Bunu
ABŞ müdafiə naziri Ceyms Mettis ABŞ Mərkəzi Qüvvələrinin (CENTCOM)
komandiri Cozef Votellə ABŞ Müdafiə Nazirliyində (Pentaqon)
keçirdiyi mətbuat konfransında deyib.
Müdafiə naziri bildirib ki, Suriyanın İdlib vilayətində kimyəvi
silah hücumunun Suriya rejimi tərəfindən həyata keçirildiyinə dair
heç şübhə yoxdur.
Trampı rəsmən sildilər: Pentaqondan hərbi müdaxilə ANONSU
Koreya yarımadası
ABŞ gözlənilmədən Cənubi Koreya sahillərinə “Carl
Vinson” atom təyyarədaşıyanının başçılıq etdiyi zərbə qrupunu
göndərib. Cənubi Koreyanın “Renxap” informasiya
agentliyinin məlumatlarına görə, Amerika gəmilərinin zərbə qrupu
əvvəlcə Avstraliya sahillərinə getməyi planlaşdırsa da, hazırda
Sinqapurdan Koreya yarımadasına doğru hərəkət edib.
Nüvə silahları qaynar bölgədə: 5 gün sonrakı MÜHARİBƏYƏ HAZIRLIQ
Koreya yarımadasına Amerika hərbi donanmasının zərbə
qrupunun göndərilməsi ABŞ-ın təcavüzkar niyyətlərini
göstərir. Bu haqda Koreya Xalq Demokratik
Respublikasının (KXDR) Xarici İşlər Nazirliyindən bildirilib.
Nazirlik bildirir ki, Pxenyan Vaşinqtonun istənilən təxribatına
cavab verməyə hazırdır.
Şimali Koreya-ABŞ müharibəsi başlayır: DƏHŞƏT DOLU BƏYANAT
Şimali Koreya (Koreya Xalq Demokratik Respublikası)
hökuməti ölkədə müharibə vəziyyəti elan edib.
Məlumata görə, paytaxt Pxenyanda mülkü əhalinin təxliyə edilməsi
işi başladılıb. Şimali Koreya lideri Kim Çen İn paytaxt əhalisinin
ən azı 25 faizinin təxliyə edilməsi əmrini verib.
Nüvə müharibəsi başlayır – 4 dövlətin ordusu hazır vəziyyətə gətirildi
Dünya KİV-inin məlumatına görə, ABŞ-ın “Navy SEALS
Team 6” elit dəstəsi KXDR-lə münasibətlərdə gərginliyin artması
fonunda Koreya yarımadasına gəlib. İddiaya görə,
ABŞ-ın xüsusi təyinatlı dəstəsi hazırda Şimali Koreya liderinin
aradan qaldırılması üçün hərəkətləri yerinə yetirir.
Bin Ladeni öldürən qrup dövlət başçısını qətlə yetirəcək - PLANIN İCRASI BAŞLANDI
Koreya Xalq Demokratik Respublikasının (KXDR) müasir
qiymətlərdirmələrə görə, 10-dan 20-ə qədər nüvə yükünə
malikdir. Ekspertlər qeyd edir ki, Cənubi Koreya və
Yaponiyanın sıx məskunlaşmış rayonlarına nüvə zərbəsi qlobal
miqyaslı faciə yaradacaq.
Eyni anda 20 nüvə zərbəsi və qlobal faciə... - İKİ ÖLKƏ YER ÜZÜNDƏN SİLİNƏCƏK
Şimali Koreya yeni nüvə sınağını həyata keçirməyə
hazırlaşır. “The New York Times” nəşrinin yazdığına
görə, amerikalı ekspertlərin sputnikdən apardıqları müşahidələr bu
sınaqların Mantapson dağlıq əraizində həyata keçiriləcəyini deməyə
əsas verir. Ekspertlərin fikrincə, rəsmi Pxenyan öz gücünü nümayiş
etdirir, buna görə də yeni sınağın 15 aprel tarixində, Şimali
Koreyanın qurucusu Kim İr Senin doğum günündə həyata keçiriləcəyi
gözlənilir.
“ABŞ Şimali Koreyaya genişmiqyaslı zərbələr
endirəcəyi halda, bir neçə yüz qanadlı “Tomaqavk” raketi cəlb
ediləcək. Amerika donanmasında bu raketlərlə təchiz edilmiş “Ohayo”
sinfindən dörd sualtı qayıq var. Əgər onların hamısı cəlb edilərsə,
onda Şimali Koreyaya 600 qanadlı raket buraxılacaq”.
Bunu Koreya yarımadası ətrafındakı son vəziyyəti şərh edən
Rusiyanın “Milli müdafiə” jurnalının baş redaktoru İqor Korotçenko
Pravda.ru-ya müsahibəsində deyib.
III Dünya müharibəsi və 600 qanadlı raket eyni anda... - SSENARİ - VİDEO
ABŞ hakimiyyəti Şimali Koreyanın nüvə proqramına
qarşı çoxsəviyyəli strategiya hazırlayıb. “Röyters”
bildirir ki, əks addımların siyahısı kifayət qədər genişdir və
həmçinin güc metodlarını nəzərdə tutur. Ancaq ABŞ prezidenti ilk
növbədə diplomatik və iqtisadi ölçülərə baxır.
Vaşinqton sanksiyaları BMT-nin yolu ilə tətbiq edilə bilər.
ABŞ prezidenti Donald Trampın köməkçilərindən olan
Sebastiyan Qorka Liviyanı üç hissəyə bölməyi təklif
edib. Bu haqda İngiltərənin “The Guardian” nəşri
yazıb.
Nəşrin yazdığına görə, Trampın köməkçisi salfetin üstündə
çəkdiyi xəritə ilə Liviyanı Osmanlı dövründəki üç ayrı bölgənin
sərhədləri üzərindən bölünməsini təklif edib. O, xəyali dövlətlərin
sərhədlərini də göstərib.
“Bu ölkəni üç hissəyə bölək!” - Trampa salfet üzərində ŞOK TƏKLİF
Türkiyə, İran
ABŞ Türkiyənin Adana vilayətindəki İncirlik hərbi
hava bazasını tərk etməyə hazırlaşır. Bu haqda İsrail
kəşfiyyatına (MOSSAD) yaxınlığı ilə tanınan “Debka” saytı
bildirib.
Saytın yazdığına görə, ABŞ İncirlik əvəzinə Suriyanın şimalında
qurulan 5 hərbi hava bazasına yerləşməyi planlaşdırır. Bazalardan
ikisi Kamışlı, digərləri isə Rimeylan, Tabka və Kobanidə yeləşir.
Bütün bazalar istifadə üçün hazır vəziyyətə gətirildikdikdən sonra
ABŞ Suriyada əməliyyatları iki dəfə artıracaq.
Daha əvvəl yayılan məlumata görə, NATO missiyası çərçivəsində
İncirlik bazasında yerləşdirilən Almaniyanın kəşfiyyat
təyyarələrinin Cənubi Kipr və İordaniyadakı bazalara köçürülməsi
planlaşdırılır.
Türkiyədə aprelin 16-da konstitusiya dəyişiklikləri ilə
əlaqədar keçiriləcək. Bu səsvermə Türkiyənin tarixində
Konstitusiyasına dəyişikliyi ilə bağlı 7-ci referendumdur.
İranda mayın 19-da keçiriləcək president
seçkilərində iştirak edəcək bəzi namizədlərin kimliyinə aydınlıq
gəlib. Keçmiş prezident Mahmud Əhmədinejad prezident
seçkiləri üçün namizədliyini açıqlayıb. İndiki prezident Həsən
Ruhani seçkilərdə iştirak edəcəyini bildirib. Bundan başqa, Həsən
Ruhaninin əsas rəqiblərindən sayılan İbrahim Rəisinin prezidentliyə
namizədliyi qeydə alınıb.
Ömər Dağlı
Xəbərin orijinal ünvanı: http://publika.az/news/nida_tehlil/195189.htmlŞahid olduğunuz hadisələrin video və ya fotosunu çəkərək bizə göndərin: 0552252950 (Whatsapp)