“Bu gün layiqli qələbə qazandıq. Komandamı təbrik edirəm. Başqa deyəcək bir sözüm yoxdu”. Bu sözləri “Neftçi”nin baş məşqçisi Elxan Abdullayev deyib.
Azərbaycan Premyer Liqasının 26-cı turunda evdə AZAL-ı qəbul edən “Neftçi” darmadağına sevinib.
Fikirlərini qısa açıqlayan çalışdırıcı daha sonra oyunsonrası mətbuat konfransında jurnalistlərin suallarını cavablandırıb.
- Əvvəlkilərdən fərqli olaraq, oyundan sonra futbolçularla birgə azarkeşlərə yaxınlaşmadız...
- Mən heç vaxt azarkeşlərə yaxınlaşmamışam. Mənim azarkeşlə nə işim var? Sağ olsunlar, azarkeşlik edirlər, ancaq heç vaxt onlara yaxınlaşmamışam.
- Sizcə, hər şey son turda həll ediləcək?
- Proqnoz verə bilmərəm. Yalnız onu deyə bilərəm ki, qarşıda 2 oyunumuz var, hər iki oyunu qələbəylə başa vurmalıyıq.
- Qələbəyə rəğmən, əhvalınız yoxdu sanki...
- Niyə sevinməliyəm ki?
- Komandanız 4:0 hesabıyla qalib gəlib...
- Komanda bu qələbələri çoxdan qazanmalıydı.(Apasport.az)
Fanat.Az
