Nyu-Yorkda Con Kennedi adına Beynəlxalq Aeroportda təlim qumbarası tapılıb.
Publika.az APA-ya istinadən xəbər verir ki, bu barədə "
CBS New York" telekanalı məlumat yayıb.
Qumbara tapılması ilə əlaqədar xidməti bina boşaldılıb. Təlim
qumbarası binanın gömrük xidməti yerləşən hissəsində aşkarlanıb.
Binaya gələn hüquq-mühafizə orqanlarının əməkdaşları bildiriblər
ki, bu, təlim qumbarasıdır və hərbi təlimlərdə istifadə edilmək
üçün aparılır.
Olay aeroportun terminalının işinə təsir etməyib, aeroport normal
rejimdə fəaliyyət göstərib. Binadan evakuasiya edilən əməkdaşlar
daha sonra iş yerlərinə qayıdıblar.