"Bu sıradan bir səsvermə, referendum deyil. Bu referendum Türkiyə cümhuriyyətində yeni idarəetmə üsulunu müəyyənləşdirəcək".
Publika.az xəbər verir ki, bunu bu gün İstanbulda referendumda
səs verən Türkiyə prezidenti Rəcəb Tayyib Ərdoğan bildirib.
R. T. Ərdoğan deyib ki, yeni idarəetmə sistemi Türkiyənin daha
sürətlə inkişaf etməsinə yol açacaq: "İnanıram ki, xalqımız lazımi
seçimini edəcək, gələcəyə doğru inamla addımlayacaq. Seçkilərdə
aktivliyin yüksək səviyyədə olacağını gözləyirəm".