"Mən heç nə deyə bilmərəm. Zəif oynadıq və uduzduq".
Milli.Az goal.az-a istinadən xəbər verir ki, bu sözlər AZAL-ın futbolçusu Vaqif Cavadova məxsusdur. "Təyyarəçilər" Azərbaycan Premyer Liqasının XXVI turunda səfərdə "Netfçi"yə böyükhesabla məğlub olub - 0:4. Oyundan sonra açıqlama verən Cavadov fikirlərini bildirib. O, çox zəif oynadıqlarını deyib:
"İnandırım sizi, heç nə danışa bilmirəm. Əsəbiyəm. Çox zəif oynadıq. İnanmıram ki, bir daha belə bərbad futbol oynayaq".
Cavadov bütün qolları eyni səhvdən buraxdıqlarını vurğulayıb: "Öz səhvlərimizə görə uduzduq. Bütün qolları eyni səhvin ucbatından buraxdıq".
Millimizin sabiq üzvü gələcək planlarından da söz açıb: "Mövsümün sonuna 2 oyun qalıb. İnşallah,mövsümün sonunda hər şeyə aydınlıq gələcək. Əlbəttə, yeni klubum sonuncu pillədə olan komanda olmayacaq. İddialı klubda olacam".
Milli.Az
Digər maraqlı xəbərlər Milli.Az-ın Facebook səhifəsində
